Taliyaha ciidanka Booliska Soomaaliyeed Sarreeye guuto Sulub Axmed Firin iyo wafdi saraakiil ah oo uu hoggaaminayo oo booqasho rasmi ah ku jooga dalka Ethiopia ayaa xafiiskiisa ku booqday taliyaha ciidanka Booliska Federaalka ah ee dalkaas Mr Damlesh Gabremechael Woldeyes.
Booqashadaan ayaa u jeeddadeedu aheyd iskaashiga Booliska dowladaha geeska Afrika gaar ahaan Booliska dowladaha Ethiopia, Soomaaliya iyo Jabuuti, iskaashigaan ayaa ku saabsanaan doona dhinacyada la dagaallanka Argagixisada iyo dambiyada abaabulan ee xaduudaha isaga gudba.
Talaabadaan ayaa waxbadan ka tari doonta isdhaafsiga xogaha iyo warbixinada Aammaanka gobolka Geeska Afrika la xiriirta, Maadaama, argagixisada ay ku jiraan xubno ka soo hayaamay gobolka iyo dowlado kale.
