Taliyaha ciidanka Cirka Soomaaliyeed ayaa hambalyo ku aadan munaasabad 57 guuradii ka soo wareegatay aas aaska ciidanka cirka oo ku beegan 15 bisha Fibraayo u diray dhaman ciidamada cirka iyo xaasaskooda.
Sareeyo Guuto Maxamuud Sheekh Cali Dable-Beyloot oo wareysi gaar ah siiyay Warbaahinta Qaranka ayaa faah faahin ka bixiyay taariikhdii uu soo maray ciidanka cirka, waxaana uu intaa ku daray in iminka ay socdaan dadaalo ku aadan sidii loo tayayn lahaa ciidamada cirka.
“Waxaan hambalyo u dirayaa saraakiisha, saraakiil xigeenada, dableyda, Alifleyda iyo xaasaskooda in sanadkan kiisa kale ay ku gaaraan horumar iyo baraare, waxaana ku rajo weynahay in dib u dhis lagu sameeyo ciidamada cirka” ayuu yiri Sareeyo Guuto Maxamuud Cabdi Dable-beyloot.
Taliyaha ciidanka cirka ayaa hadalkiisa ku daray “57 sano kadib ciidanka cirka waxa uu ku suganyahay xaalad kala guur ah, waxaana uu dhibkan la qabaa ciidamada kala duwan ee xoogga dalka, taasi oo ugu wacneyd bur burkii dalka gaartay, taasi oo dhibaatada ugu weyn ay soo gaartay ciidanka cirka, waxaana uu iminka ku jiraa dib u habeyn xoogan”.
Ciidanka Cirka Soomaaliya ayaa la aas aasay 15-kii Feberaayo sanadkii 1960-kii, iyagoo door firfircoon kasoo qaatay Difaacidda hawada dalka mudadii burburka ka hor, waxaana haatan muuqata dedaallo dib loogu dhisayo ciidamada oo awood buuxda u heli doona inay hantaan koontaroolka hawada Soomaaliya oo dhan.
Halkan ka dhageyso Wareysiga Taliyaha ciidanka
