Taliyaha Ciidanka Milateriga Soomaaliya Sareeyo Gaas Ibraahim Sheekh Muxudiin Caddow iyo Wafdi saraakiil ah oo Hogaaminayay ayaa gaaray Degmada qadiimiga ah ee Xarardheere.
Taliyaha ayaa si weyn waxaa ugu soo dhaweeyay Xarardheere saraakiil iyo askar ka tirsan Xoogga Dalka Soomaaliyeed, kuwaasi oo uga warbixiyay xaaladda ka jirto Degmada Xarardheere ee Gobalka Mudug.
Xarardheere ayaa gacanta cadawga laga saaray 16, Bishii January 2023, waxaana gacanta ku haya Ciidamada Milateriga Soomaaliya iyo xoogaga Macaawisleyda ee deegaanka, waxaana Taliyihu ku dhiiragaliyay inay u diyaar garoobaan baacsiga haraadiga kooxda Argagixisada ah.
Taliyaha Ciidanka Xoogga Dalka Soomaaliyeed oo Maalmihii la soo dhaafay ku sugnaa furimaha hore ee dagaalka ayaa waqti badan la qaadanaya Ciidamada jiidda hore ku sugan, waxaana socda diyaar garowga dagaalka lagu xureynayo deegaanno hor leh.
