Taliyaha ciidanka Xoogga dalka ayaa kormeeray ciidamo ku sugan deegaanka Bariire
Ujeedka socdaalka Taliyaha Ciidamada Xoogga dalka Soomaaliyeed Sareeyo Gaas Maxamed Axmed Jimcaale ee uu maanta ku tegay deegaanka Bariire ee Gobalka Shabeelada Hoose ayaa isugu jirtey dhiirigelinta Ciidamada iyo u kuurgelidda xaaladda ay ku sugan yihiin ciidamada Xoogga dalka ee ku sugan deegankaas oo ay dhawaan kale wareegeen maleyshiyaadka Al-shabaab.
Taliyaha Ciidanka Xoogga Dalka oo ay wahliyaan Madaxda Hooganada Saadka iyo Wardoonka ee cidanka Xoogga Dalka waxa ayna howlo kormeer ah ay ku tageen xerooyinka cidmada Xoogga dalka ay ku leeyihiin degaanka Bariire ee Gobalka Shabeelaha Hoose, iygoo warbixinno ka dhageystay saraakiisha ciidanka Xoogga dalka ee ku sugan deegankaas.
Abaanduulaha ciidanka Xoogga Dalka Jeneraal Cabdullaahi Cali Canood oo malmahaan ku sugan deeganka Bariire ayaa taliyaha iyo wafdi la socday uga warbixiyay guud ahaan xaaladda deegaanka, isagoo xusay inay sii wadayaan howlgallada ka dhanka ah Al-Shabaab.
Janeraal Maxamed Axmed Jimcaale Taliyaha Cidanka Xoogga Dalka oo la hadlayay cutubyo ka tirsan ciidamada ayaa sheegay in Dowladda ay xoogga saari doonto xaquuqsiinta ciidamada iyo agoonta ay ka tageen, isagoo ku wareejiyay lacago dhiiri gelin ah oo loogu talagalay ciidamada.
Taliyaha Ciidanka Xoogga dalka ayaa sheeg iney sii soco doonan howlgallada guud ahaan dalka looga ciribtirayo maleeshiyaadka Al-Shaabab, waxaana uu shacabka ka codsaday inay taageeraan ciidamada.
