Taliyaha hogaanka Socdaalka iyo Jinsiyadaha ee dowladda Soomaaliya Jeneraal Cabdulaahi Gaafow Maxamuud ayaa sheegay in xafiis cusub oo laga heli karo baasa boorka Soomaaliga laga hirgeliyay dalka Mareykanka, isla markaana ay bulshada Soomaaliyeed u tahay fursad ah in baasaboorka ay ka qaadan karaan xafiiska cusub ee dalka Mareykanka laga furay.
Jeneraal Cabdulaahi Gaafow Maxamuud ayaa xusay in socdaalkii uu dhawaan ku tegay dalka Mareykanka uu guul ku soo idlaaday, isagoo intaa ku daray in uu socdaal ku soo maray Denmark, halkaasi oo uu kulamo kul qaatay madaxda dalkaasi oo uu kala hadlay arrinta baasaboorka Soomaaliga.
Taliyaha hogaanka Socdalka iyo Jinsiyadaha ayaa sheegay in helidda E-passport uu yahay mid aan si fudud ku imaan, isla markaana dowladda ay buuxisay sharuudihii looga baahnaa, isagoo intaa ku daray dhawaan ay soo bandhigi doonaan waxyaabaha u qabsoomay waaxda Socdaalka iyo Jinsiyadaha, gaar ahaan qeybta E-passport oo la hirgeliyay sanadkii 2006-da
