Taliyaha Qaybta 43-aad ee Ciidanka xoogga dalka S\ Guuto Cali Maxamed Maxamuud iyo saraakiil kale oo ka tirsan Militariga Soomaaliya ayaa gaaray magaalada Garbahaarey ee xarunta gobolka Gedo.
Socdaalka Taliyaha ayaa ah mid lagu dar-dargelinayo hawlgalada ka dhanka ah Maleeshiyaadka Argagixisada Al-shabaab, kaasoo ciidamada qalabka sida ka wadaan gobolkaasi.
Gudoomiyaha gobolka Gedo iyo saraakiil kale ayaa soo dhaweeyey Taliyaha qaybta, waxaana ay ka wada hadleen sidii gobolka Gedo looga xureeyn lahaa maleeshiyaadka Naf lacaariga ah ee Al-shabaab, dadka deegaankuna ay uga qayb qaadan lahaayeen hawlgalada socda.
