Taliyaha Qeybta 21aad ee Ciidamada Xoogga Dalka Soomaaliyeed Jenaraal Cabdullaahi Aadan Xuseen oo ay wahliyeen Abaanduulaha Qeybta 21aad ee Ciidamada Xoogga Dalka Soomaaliyeed Korneyl C/raxmaan Warsame Garabeey iyo saraakiil kale oo ka tirsan Taliska qeybta 21aad oo mudooyinkaaba waday dadaalo lagu dar dargalinayo qorshayaasha ciidamada xooga dalka ee ku aadan difaaca dalka iyo sidii haraadiga kooxda naf la caarigaa ee Al shabaab looga xoreeyn lahaa deegaanada fara ku tiriskaa ee ay uga dhuumaleysanayaan gobalada dalka qaarkood ayaa kormeer ku tagay xerada ururka 57aad Gaaska 11aad ee qeybta 21aad C.X.D.S ee Indhaqaris oo ku taala duleedka deegaanka Docol ee hoostaga Dagmada Galkaacyo ee Gobalka Mudug, halkaasi oo ku sugan yahiin ciidamada ka tirsan kuwa
xoogga soomaaliyeed
Janaraal C/laahi Aadan Xuseen (Cirro ayaana markii ay gaareen xeradaasi la hadlay ciidamadii iyo saraakiishii xerada ku sugnaa waxaana uu ku booriyay in looga fadhiyo sidii dalka ay uga xoreyn lahayeen cadowga soomaaliyeed iyo midka shisheeye.
(Marka maanta waxaan filayaa isa sixidii ugu danbeysay inaan idinkugu imid, Cadawga inaan aadno mar hore ayey aheyd, laakiin nasiib daro
afar sano qeybtaani ma helin wax horumarin ah, balse waxaan rajeynaynaa dowladda cusub ma aragno waxaan hadda ku dhaliilno, saas darteed anagana waxaa nalaga rabaa inaan gudano waajibaadka nalooga fadhiyo waayo waxa nala siinayo haddii inta layska qaato la jiifanayo kuwa kaamamka ku jira ayaa la siin lahaa” S/Guuto C/laahi Aadan Xuseen (Cirro)
Taliyaha Qeybta 21aad C.X.D. Janaraal C/laahi Aadan Xuseen (Cirro) ayaa asagoo hadalkiisa sii wata sheegay in askari kasta oo ka tirsan
ciidanka xoogga dalka Soomaaliyeed, gaar ahaan qeybta 21aad lala xisaabtami doono, isla markaana aysan dhici doonin in inta la siiyo
mushaaraadkiisa iyo xuquuqda kale ee ciidan ee uu leeyahay in uu gudan waayo waajibaadka Qaran ee xaqqa loogu leeyahay.
Intaasi kadib ayaa waxaa halkaasi Mushaaraadkoodii loogu qeybiyay ilaa ku dhawaad 300 saddax boqal oo askari oo ka tirsan ururka 57aad Gaaska 11aad ee Qeybta 21aad C.X.D. kuwaasi oo kusoo xaadiray xarunta ururka oo ku taala duleedka deegaanka Docol ee Dagmada Galkacyo ee Gobalka Mudug.
Waa marki u horeysay oo ay taliyaha cusub ee qeybta 21aad C.X.D.S Jenaraal C/llaahi Aadan Xuseen (Cirro) oo ay wehliyaan Abaanduulaha
21aad C.X.D.S korneyl C/raxmaan Warsame (Garabeey) iyo saraakiil kale oo ka tirsan taliska 21aad ee Ciidanka Xoogga Dalka Soomaaliyeed ay soo gaaraan xeryaha Ciidamada Xoogga Dalka Soomaaliyeed ee Ku yaala Gobalka Mudug tan iyo markii dhawaan loo magacaabay Taliyaha Qeybta 21aad C.X.D.S
Waxaa Diyaariyay Wariye C/risaaq Maxamed Axmed (C/risaaq Galkacy
