Kormeerkaan uu maanta taliye ku-xigeenka ciidanka booliska Soomaaliya ahna kusimaha Taliyaha oo kormeerka ku tegay dugsiga sare booliska ee Jeneraal Kaahiye ee magaalada Muqdisho ayaa ujeedkiisu ahaa mid uu ugu kuur galayey sida uu u socdo imtixaanka laga qaadayo ciidanka booliska Soomaaliya oo uu kol hore ku baaqay taliyaha ciidanka Sareeye Gaas Maxamed Sheekh Xasan Xaamud
Taliye ku-xigeenka ayaa markii uu gaaray dugsiga sare ee Jeneraal Kaaahiye waxa uu warbixin kaga dhageystay saraakiil ka tirsan ciidanka oo ku saabsanaa sida ay u socoto howlaha imtixaan qaadista.
Jeneraal Muqtaar Xuseen Afrax Ku-simaha taliyaha ciidanka booliska oo kormeerka kaddib la hadlay Warbaahita Qaranka ayaa sheegay in ujeedka imtixaanka uu yahay mid dhamaan laga qaadi doono ciidanka booliska.
“Imtixaanka waa qeyb ka mid ah tayaynta aqoonta ciidanka booliska, si sargaalkasta loo ogaado aqoontiisa heerka ay gaarsiisantahay, waana mid looga gol’leeyahay in ciidanka oo dhan laga qaado” ayuu yiri Taliye ku-xigeenka booliska
Tani ayaa muujineyso sida taliska booliska ay uga go’antahay in la tayeeyo aqoonta ciidanka.
