Taliye ku xigeenka Ciidanka Booliska Soomaaliyeed, S/guuto Cismaan Maxamed C/laahi (Kaniif) oo howlo shaqo u joogo magaalada Gaalkacyo ayaa maanta kormeeray saldhigga Boliiska gobolka Mudug waxa uuna kula kulmay Ciidanka Boliiska ee ku sugan gobolkaas, si uu ugu kuur galo xaaladaha ay ku shaqeeyaan.
Taliyaha ayaa waxa uu kormeer ku sameeyay xarumaha Boliiska ee gobolka Mudug,isagoo ciidamada ku ammaanay sida ay har iyo habeen ugu taaganyihiin sugida amniga Shacabka Soomaaliyeed.
Related posts
Saraakiisha uu la kulmay ayaa warbixin ka siiyay Taliyaha shaqada Boolisku ay u hayaan bulshada,iyagoo tilmaamay in ay jiraan maxaabiis badan oo ku jirto saldhiga kuwaas oo ku eedeysan dambiyo kala duwan dhawaana maxkamad lasoo taagi doono.
Taliye ku xigeenka Boliiska Soomaaliyeed ayaa maalmihii ugu dambeeyay kormeerayay Saldhigyada Ciidamada Boliisku ay ku leyihiin deegaannada dowlad goboleedka Galmudug,isagoo u kuur gelayay xiriirka wada shaqeeyneed ee ka dhaxeeya ciidamada iyo bulshad kaas oo muhiim u ah nabad gelyada dalka.
