Tartan Cilmiyeedka bisha Ramadaan oo ay si wada jir ah u baahinayaan Radio Muqdisho iyo Telefishinka Qaranka Soomaaliyeed ee SNTV uuna taaba gelineyo sanadkii labaad Maamulka Gobolka Benaadir ayaa waxaa caawa tartan aad u xiiso badan oo wareegga saddexaad ee tartanka ku dhexmaray degmooyinka Yaaqshiid iyo Deyniile oo ka wada tirsan Gobolka Banaadir, iyadoo labada dhinac ay muujiyeen dadaal iyo anshax wanaag inta uu tartanku socday.
Natiijada tartankii dhexmaray caawa tartamayaasha degmooyinka Yaaqshiid iyo Deyniile waxey noqotay sidan:-
Related posts
Yaaqshiid
Tartamayaasha Degmada Yaaqshiid sida xeerka barnaamijka tartan Cilmiyeedka bisha barakeysan ee Ramadaan uu dhigayo waxaa la weeydiiyey Todobo Suโaal, Suโaalihii todobada ahaa ee la waydiiyay, waxa ay si sax ah uga jawaabeen Saddex Suโaal, halka ay iska qaldeen afar suโaal, waxa ay si ka faaโiideysi ah u heleen Hal suโaal oo soo hareer martay tartamayasha Degmada Deyniile, waxayna wadarta guud ee dhibcaha tartamayaasha degmada Yaaqshiid ay heleen noqoneysaa 8 dhibcood ( Sideed dhibcood).
Deyniile
Tartamayaasha Degmada Deyniile waxaa iyana dhankooda la weydiiyey Todobo Suโaal,ย suโaallihii la weydiiyey waxay si sax ah uga jawaabeen Saddex suโaal,ย halka ay iska qaldeen Afar suโaal, waxa ayna ka faaโiideysteen Hal suโaal oo soo hareermartay tartamayaasha degmada Yaaqshiid, waxaana wadarta guud ee tartamayaasha degmada Deyniile ka dhigeysaa inay heleen 8 dhibcood (Sideed dhibcood).
Mar haddii uu tartanku noqday mid bar bar dhac ah oo ay tartamaayashu isku dhibco, Guddiga tartanka waxa ay ku dareen waqti dheeri ah, si loo kala saaro tartamayaasha labada degmo.
Suโaalihii dheeriga ahaa ee la weydiiyay labada degmo oo ah mid kala bax ah, ayaa waxaa fursad heshay tartamayaasha degmada Yaaqshiid oo ka faaโiideysatay suโaal soo hareermartay tartamayaasha degmada Deyniile oo ahayd suโaashii saddexaad, taasi oo keentay inay ku badiso Yaaqshiid, waxaana uu ahaa kii ugu adkaa ee wareegga saddexaad ee tartanka.
Hadaba kulankii 23aad ee tartan Cilmiyeedka bisha Ramadaan ee Warbaahinta Qaranka caawa waxaa wareegga Afaraad (Semi final)ย u soo gudbay tartamayaasha degmada Yaaqshiid ee gobolka Banaadir, taasi oo noqoneysa degmadii ugu dambeysay ee ka hartay tartamaayasha degmooyinka Gobolka Benaadir, ayadoo gebagebadii ay labada tartame isugu hambalyeeyeen guushaasi.
Habeen dambe oo ah habeenka 24aad ee tartan Cilmiyeedka bisha Ramadaan ee Warbaahinta Qaranka waxaa ku tartami doona degmooyinka Gaalkacyo iyo Jawiil oo ka kala tirsan Gobollada Mudug iyo Hiiraan, kuwaasi oo ugu dambeeyay wareegan.
Halkan ka dhageyso
Qeybta Koowaad ee Tartanka
Qeybta Labaad ee Tartanka
