Tartan Cilmiyeedka Bisha Barakeysan ee Ramadaan oo ay si wada jir ah u baahinayaan Radio Muqdisho iyo Telefishinka Qaranka Soomaaliyeed ee SNTV uuna taaba gelineyo sanadkii labaad Maamulka Gobolka Benaadir ayaa waxaa caawa tartan ku dhexmaray degmooyinka Boondheere iyo Garbahaareey oo ka kala tirsan Gobollada Banaadir iyo Gedo, iyadoo labada dhinac ay muujiyeen dadaal iyo anshax wanaag inta uu tartanku socday.
Sida uu xeerka tartanka qabo marka degmo walibo la weydiiyo min afar su’aal ayaa waxaa caawa dhextaal u ahaa, islamarkaana la guda galay isbarashada degmooyinka, iyadoo tartamayaasha labada degmo ay ka sheekeeyeen taariikhda ay leeyihiin degmooyinka Boondheere iyo Garbahaareey iyo waxyaabaha ay caanka ku yihiin oo ay ku cabireen hab suugeed.
Natiijada tartankii quruxda badnaa ee dhexmaray caawa tartamayaasha degmooyinka Boondheere iyo Garbahaareey waxey noqotay sidan:-
Boondheere
Tartamayaasha degmada Boondheere sida xeerka barnaamijka tartan Cilmiyeedka bisha barakeysan ee Ramadaan uu dhigayo waxaa la weeydiiyey Todobo Su’aal waxaana su’aallihii la weydiiyey ay ka jawaabeen Shan su’aal oo waxa ay qaldeen Labo su’aal, mana jirin wax ka faa’iideysi ah oo ay heleen Tartamayaasha degmada Boondheere, waxayna wadarta guud ee dhibcaha tartamayaasha degmada Boondheere ay heleen noqoneysaa 10 dhibcood (Toban dhibcood).
Garbahaareey
Tartamayaasha degmada Garbahaareey waxaa iyana dhankooda la weydiiyey Todobo Su’aal, su’aallihii la weydiiyey waxay si sax ah uga jawaabeen Afar su’aal halka ay iska qaldeen saddex su’aal, sidoo kale iyana ma jirin wax ka faa’iideysi ah oo ay heleen tartamayaasha degmada Garbahaareey, waxaana wadarta guud ee tartamayaasha degmada Garbahaareey ka dhigeysaa inay heleen 8 dhibcood (Sideed dhibcood).
Hadaba kulankii Afaraad ee tartan Cilmiyeedka bisha Ramadaan ee Warbaahinta Qaranka caawa waxaa wareega xiga u soo gudbay, tartamayaasha degmada Boondheere ee gobolka Banaadir, ayadoo gebagebadii ay labada tartame isugu hambalyeeyeen guushaasi.
Habeen dambe oo ah habeenka Shanaad ee tartan Cilmiyeedka bisha Ramadaan ee Warbaahinta Qaranka waxaa ku tartami doona degmooyinka Waaberi Vs Kismaayo oo ka kala tirsan Gobollada Banaadir iyo Jubbada Hoose.
Halkaan ka dhageyso
Qeybta Koowaad ee Tartanka
Qeybta Labaad ee Tartanka
