Tartan cilmiyeedka bisha Ramadaan oo galay sanadkii sagaalaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho habeen waliba ayaa waxaa caawa kulankiisa 26-aad oo ah wareegga saddexaad kulankiisa saddexaad ku tartamay tartameyaasha Degmooyinka Dhuusamareeb Vs Buurhakaba oo ka kala tirsan Gobolada Galgaduud iyo Baay, waxaana barnaamijka sanadkii todobaad oo xiriir ah taabagelineya Maamulka Gobolka Benaadir.
Tartameyaasha labada degmo ee Dhuusamareeb Vs Buurhakaba ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon iyo asluub wanaag labada dhinac.
Related posts
Dhuusamareeb
Tartameyaasha Degmada Dhuusamareeb ee Gobolka Galgaduud waxaa la weydiiyey todobo Suโaal, waxa ay ka jawaabeen Afar suโaal, waxaana ay iska qaldeen Saddex suโaal, waxa ay ka faaโiideysteen Hal suโaal oo soo hareertay dhigooda Buurhakaba, sidaa darteed wadarta guud ee dhibcaha tartameyaasha Degmada Dhuusamareeb ay heleen waxay noqotay Toban (10) dhibcood.
Buurhakaba
Tartamayaasha Degmada Buurhakaba ee Gobolka Baay waxaa dhankooda la weydiiyay todobo suโaal, waxa ay ka jawaabeen Lix suโaal, iyagoo iska qalday Hal suโaal, waxa ay ka faaโiideysteen Hal suโaal oo soo hareer martay tartamayaasha Dhuusamareeb, sidaasi darteed wadarta guud ee dhibcaha ay heleen tartameyaasha Degmada Buurhakaba waxay noqotay Afar iyo toban (14) dhibcood.
Tartamayaasha Degmada Buurhakaba ee Gobolka Baay ayaa caawa u soo gudbay wareegga afar dhamaadka ee tartanka.
