Tartan cilmiyeedka bisha Ramadaan oo galay sanadkii sagaalaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho habeen waliba ayaa waxaa caawa kulankiisa 21-aad oo ah wareegga labaad kulankiisa lixaad ku tartamay tartameyaasha Degmooyinka Gaalkacyo Vs Buurhakaba oo ka kala tirsan Gobollada Mudug iyo Baay, waxaana barnaamijka sanadkii todobaad oo xiriir ah taabagelineya Maamulka Gobolka Benaadir.
Tartameyaasha labada degmo ee Gaalkacyo Vs Buurhakaba ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon iyo asluub wanaag labada dhinac intii uu tartanka socday.
Gaalkacyo
Tartameyaasha Degmada Gaalkacyo ee gobolka Mudug waxaa la weydiiyey todobo Su’aal, waxa ay ka jawaabeen Hal su’aal oo kaliya, waxaana ay iska qaldeen Lix su’aal, Waxa ay ka faa’iideysteen Hal su’aal oo soo hareermartay Buurhakaba, sidaa darteed wadarta guud ee dhibcaha tartameyaasha Degmada Gaalkacyo ay heleen waxay noqotay Afar (4) dhibcood.
Buurhakaba
Tartamayaasha Degmada Buurhakaba ee Gobolka Baay waxaa dhankooda la weydiiyay todobo su’aal, waxa ay ka jawaabeen Labo su’aal, iyagoo iska qalday Shan su’aal, waxa ay ka faa’iideysteen Labo su’aal oo soo hareer martay tartamayaasha Gaalkacyo, sidaasi darteed wadarta guud ee dhibcaha ay heleen tartameyaasha Degmada Buurhakaba waxay noqotay sideed (8) dhibcood.
Tartamayaasha Degmada Buurhakaba ee Gobolka Baay ayaa caawa u soo gudbay wareegga saddexaad ee tartanka.
