Tartan cilmiyeedka bisha Ramadaan oo galay sanadkii Afar iyo tobnaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho habeen waliba ayaa waxaa caawa wareegga Saddexaad kulankiisa 1-aad ku tartamay Degmooyinka Ceeldheer iyo Dhuusamareeb oo ka wada tirsan Gobalka Galgaduud, waxaana barnaamijka si wadajir ah u taaba-gelineya Bankiga IBS iyo Maamulka Gobolka Banaadir.
Tartameyaasha labada degmoo ee Ceeldheer iyo Dhuusamareeb ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon iyo asluub wanaag labada dhinac inta uu tartanka socday.
Related posts
Ceeldheer
Tartameyaasha Degmada Ceeldheer ee Gobolka Galgaduud waxaa la weydiiyey todobo suβaal, todobadii suβaal ee la weydiiyay waxa ay si sax ah uga jawaabeen Afar suβaal, halka ay iska qaldeen Saddex suβaal, ma jirin wax ka faaβiideysi ah oo ay heleen, sidaa darteed wadarta guud ee dhibcaha tartameyaasha Degmada Ceeldheer ay heleen waxay noqotay Sideed (08) dhibcood.
Dhuusamareeb
Tartamayaasha Degmada Dhuusamareeb ee Gobolka Galgaduud waxaa dhankooda la weydiiyay todobo suβaal, waxa ay ka jawaabeen Saddex suβaal, halka ay iska qaldeen Afar suβaal oo kaliya, ma jirin wax ka faaβiideysi ah oo ay heleen, sidaa darteed wadarta guud ee dhibcaha ay heleen tartameyaasha Degmada Dhuusamareeb waxay noqotay Lix (06) dhibcood.
Hadaba kulankii 25-aad ee tartan Cilmiyeedka bisha Ramadaan ee Warbaahinta Qaranka caawa waxaa wareegga xiga u soo gudbay tartamayaasha Degmada Ceeldheer ee Gobolka Galgaduud, ayadoo gebagebadii ay labada tartame isugu hambalyeeyeen guushaasi, waxaana tartanka caawa isaga hartay tartamayaasha Dhuusamareeb oo sanadkii tegay ku guuleystay tartan Cilmiyeedka Warbaahinta Qaranka.
Habeen dambe haddii uu Alle idmo oo ah habeenka 23-aad ee tartanka waxaa ku baratami doona degmooyinka Xamarweyne iyo Bardaale oo ka kala tirsan Gobollada Banaadir iyo Baay.
