Tartan cilmiyeedka bisha Ramadaan oo galay sanadkii Afar iyo tobnaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho habeen waliba ayaa waxaa caawa wareegga Labaad kulankiisa 8-aad ku tartamay Degmooyinka Dhahar iyo Baraawe oo ka kala tirsan Gobollada Sanaag iyo Shabeelaha Hoose, waxaana barnaamijka si wadajir ah u taaba-gelineya Bankiga IBS iyo Maamulka Gobolka Banaadir.
Tartameyaasha labada degmoo ee Dhahar iyo Baraawe ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon iyo asluub wanaag labada dhinac inta uu tartanka socday.
Related posts
Dhahar
Tartameyaasha Degmada Dhahar ee Gobolka Sanaag waxaa la weydiiyey todobo suβaal, todobadii suβaal ee la weydiiyay waxa ay si sax ah uga jawaabeen Lix suβaal, halka ay iska qaldeen Hal suβaal, waxa ay ka faa;iideysteen Hal suβaal oo soo hareermartay dhigooda Baraawe, sidaa darteed wadarta guud ee dhibcaha tartameyaasha Degmada Dhahar ay heleen waxay noqotay Afar iyo Toban (14) dhibcood.
Baraaawe
Tartamayaasha Degmada Baraawe ee Gobolka Shabeelaha Hoose waxaa dhankooda la weydiiyay todobo suβaal, waxa ay ka jawaabeen Lix suβaal, halka ay iska qaldeen Hal suβaal oo kaliya, ma jirin wax ka faaβiideysi ah oo ay heleen, sidaa darteed wadarta guud ee dhibcaha ay heleen tartameyaasha Degmada Baraawe waxay noqotay Labo iyo Toban (12) dhibcood.
Hadaba kulankii 24-aad ee tartan Cilmiyeedka bisha Ramadaan ee Warbaahinta Qaranka caawa waxaa wareegga xiga u soo gudbay tartamayaasha Degmada Dhahar ee Gobolka Sanaag, ayadoo gebagebadii ay labada tartame isugu hambalyeeyeen guushaasi.
Habeen dambe haddii uu Alle idmo oo ah habeenka 22-aad ee tartanka waxaa ku baratami doona degmooyinka Dhuusamareeb iyo Ceeldheer oo ka wada tirsan Gobollada Galgaduud.
