Tartan cilmiyeedka bisha Ramadaan oo galay sanadkii sagaalaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho habeen waliba ayaa waxaa caawa kulankiisa afaraad oo ah wareegga koowaad ku tartamay tartameyaasha Degmooyinka Dhahar Vs Dharkeynley oo ka kala tirsan Gobollada Sanaag iyo Benaadir, waxaana barnaamijka sanadkii todobaad oo xiriir ah taabagelineya Maamulka Gobolka Benaadir.
Tartameyaasha labada degmo ee Dhahar Vs Dharkeynley ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon iyo asluub wanaag labada dhinac.
Related posts
Dhahar
Tartamayaasha Degmada Dhahar ee gobolka Sanaag waxaa la weydiiyay todobo suโaal, waxa ay ka jawaabeen Afar suโaal, iyagoo iska qalday Saddex suโaal, Ma jirin wax ka faaโiideysi ah oo ay heleen, sidaasi darteed wadarta guud ee dhibcaha ay heleen tartameyaasha Degmada Dhahar waxay noqotay sideed (8) dhibcood.
Dharkeynley
Tartameyaasha Degmada Dharkeynley ee gobolka Benaadir waxaa dhankooda la weydiiyey todobo Suโaal, waxa ay ka jawaabeen Afar suโaal, waxaana ay iska qaldeen Saddex suโaal, dhankooda ma jirin wax ka faaโiideysi ah oo ay heleen, sidaa darteed wadarta guud ee dhibcaha tartameyaasha Degmada Dharkeynley ay heleen waxay noqotay sideed (8) dhibcood.
Sida xeerka tartanka uu dhigayo maadaama labada tartame ay isku dhibco noqdeen guddiga tartanka ayaa goโaamiyay in lagu daro suโaalo dheeraad ah, waxaana suโaalihii dheeriga ahaa ka faaโiideystay tartamayaasha degmada Dharkeynley oo ka jawaabay suโaashii la weydiiyay, balse Dhahar waxa ay iska qaldeen suโaashii la weydiiyay.
Tartamayaasha Degmada Dharkeynley ee Gobolka Banaadir ayaa caawa u soo gudbay wareegga labaad ee tartanka.
Habeen dambe haddii uu Alle idmo oo ah habeenka shanaad ee tartanka, waxaa foodda is dari doono, tartamaayasha degmooyinka Garbahaareey Vs Marka oo ka kala tirsan Gobollada Gedo iyo Shabeelaha Hoose.
