Tartan cilmiyeedka bisha Ramadaan oo galay sanadkii todobaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho ayaa waxaa caawa kulanka labaatanaad oo ah wareegga labaad ku tartamay tartameyaasha Degmooyinka Xamar weyne Vs Kismaayo oo ka kala tirsan Gobollada Banaadir iyo Jubbada Hoose, waxaana barnaamijka sanadkii shanaad oo xiriir ah taabagelineya Maamulka Gobolka Benaadir.
Related posts
Tartameyaasha labada degmo ee Xamar weyne Vs Kismaayo ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon iyo asluub wanaag labada dhinac inta uu tartanku socday.
Xamar weyne
Tartameyaasha Degmada Xamar weyne ee Gobolka Banaadir waxaa la weydiiyey todobo Suโaal, waxa ay ka jawaabeen Labo suโaal, waxaana ay iska qaldeen shan suโaal, mana jirin wax ka faa’iideysi ah oo ay heleen, sidaa darteed wadarta guud ee dhibcaha tartameyaasha Degmada Xamar weyne ay heleen waxay noqotay afar (4) dhibcood.
Kismaayo
Tartamayaasha Degmada Kismaayo ee Gobolka Jubbada Hoose waxaa dhankooda la weydiiyay todobo suโaal, waxa ay ka jawaabeen afarย suโaal, iyagoo iska qalday saddex suโaal, mana jirin wax su’aal oo oo heleen, sidaasi darteed wadarta guud ee dhibcaha ay heleen tartameyaasha Degmada Kismaayo waxay noqotay sideed (8) dhibcood.
Tartamayaasha Degmada Kismaayo ee Gobolka Jubbada Hoose ayaa caawa u soo gudbay wareegga saddexaad ee tartanka, halka tartamayaasha Degamda Xamar weyne ay isaga hartay tartanka.
Habeen dambe haddii uu Alle idmo oo ah habeenka kow iyo labaatanaad ee tartanka, waxaa foodda is dari doono, tartamaayasha degmooyinka Boosaaso Vs Deyniile oo ka kala tirsan Gobollada Bari iyo Banaadir, waana habeenka ugu dambeysay wareegga labaad ee tartanka.
Sida uu qabo sharciga tartanka oo sanadkan lagu soo kordhiyay marka ay labada degmo mid soo baxdo, waxa ay guddiga bilaabi doonaan qori tuur loo sameynayo sideedda degmo ee u soo gudubta wareegga afar dhamaadka ee tartanka.
ย
Sawir Qaade:- Qadar Cali Nuur
