Tartamayaasha Degmooyinka Shibis Vs Gaalkacyo oo ka kala tirsan Gobolada Benaadir iyo Mudug ayaa caawa tartan aad u xiiso badan ku dhexmaray tartan Cilmiyeedka bisha Ramadaan ee SNTV iyo Radio Muqdisho, iyagoo muujiyay tartan aad u xiiso badan oo ku dheehan aqoon.
Tartan Cilmiyeedka bisha Ramadaan ee Warbaahinta Qaranka oo sanadkan uu taaba gelineyo Maamulka Gobolka Benaadir ayaa waxaa caawa tartan aad u xiiso badan ku dhex maray tartamayaasha Degmooyinka Shibis Vs Gaalkacyo, iyadoo tartamayaasha labada Degmo ay madasha tartanka ku soo bandhigeen dadaal iyo anshax wanaag inta uu tartanku socday, waxaana ay sidoo kale ka sheekeeyeen taariikhda degmo waliba iyo waxyaabaha ay caanka ku tahay.
Natiijada tartankii quruxda badnaa ee dhexmaray tartamayaasha Degmooyinka Shibis Vs Gaalkacyo oo ka kala tirsan Gobolada Banaadir iyo Mudug ee caawa waxey noqotay sidan:-
Shibis
Tartamayaasha Degmada Shibis sida xeerka Barnaamijka tartan Cilmiyeedka bisha barakeysan ee Ramadaan uu dhigayo waxaa la weeydiiyey Todobo su’aallood, su’aallihii la weydiiyey waxay si sax ah uga jawaabeen Saddex su’aal, iyagoo iska qalday Afar su’aal oo ka mid ahayd Todobadii su’aal ee la waydiiyay, Waxayna si ka faa’iideysi ah u heleen Labo su’aal oo soo hareer martay tartamayaasha Degmada Gaalkacyo, waxaana taasi ka dhigeysaa in ay heleen tartamaayasha Degmada Shibis 10 dhibcood (Toban dhibcood).
Gaalkacyo
Tartamayaasha Degmada Gaalkacyo waxaa iyana dhankooda la weydiiyey Todobo Su’aallood, waxaana su’aallihii la weydiiyey ay si sax ah uga jawaabeen Afar su’aal oo waxa ay iska qaldeen Saddex su’aal, waxa ay si ka faa’iideysi ah ay heleen Labo su’aal oo ay haleeli waayeen tartamayaasha Degmada Shibis waxayna wadarta guud ee dhibcaha tartamayaasha degmada Gaalkacyo ay heleen noqoneysaa 12 dhibcood (Labo iyo Toban dhibcood).
Hadaba Tartamayaasha Degmada Gaalkacyo ayaa caawa u soo gudbay wareegga labaad ee tartan Cilmiyeedka bisha Ramadaan ee Warbaahinta Qaranka, waxaana habeen dambe is arki doono degmooyinka Howl-wadaag iyo Warta Nabadda oo ka wada tirsan Gobolka Banaadir.
Qeybta koowaad ee Tartanka
Qeybta Labaad ee Tartanka
