Tartan Cilmiyeedka bisha Ramadaan oo ay si wada jir ah u baahinayaan Radio Muqdisho iyo Telefishinka Qaranka Soomaaliyeed ee SNTV uuna taaba gelineyo sanadkii labaad Maamulka Gobolka Benaadir ayaa waxaa xalay tartan aad u xiiso badan ku dhexmaray degmooyinka Buuhoodle Vsa Wadajir oo ka kala tirsan Gobollada Togdheer iyo Banaadir, iyadoo labada dhinac ay muujiyeen dadaal iyo anshax wanaag inta uu tartanku socday.
Sida uu xeerka tartanka qabo marka degmo walibo la weydiiyo min afar su’aal waxaa xalay dhextaal u ahaa isbarashada degmooyinka, iyadoo tartamayaasha labada degmo ay ka sheekeeyeen taariikhda ay leeyihiin degmooyinka Buuhoodle iyo Wadajir iyo sidoo kale waxyaabaha ay caanka ku yihiin oo ay ku cabireen hab suugeed.
Natiijada tartankii dhexmaray xalay tartamayaasha degmooyinka Buuhoodle iyo Wadajir waxey noqotay sidan:-
Buuhoodle
Tartamayaasha Degmada Buuhoodle sida xeerka barnaamijka tartan Cilmiyeedka bisha barakeysan ee Ramadaan uu dhigayo waxaa la weeydiiyey Todobo Su’aal, waxaana su’aallihii la weydiiyey ay ka jawaabeen Labo su’aal oo waxa ay iska qaldeen Shan su’aal, halka ay ka faa’iideysteen labo su’aal oo soo hareermartay tartamayaasha Degmada Wadajir, waxayna wadarta guud ee dhibcaha tartamayaasha degmada Buuhoodle ay heleen noqoneysaa 8 dhibcood (Sideed dhibcood).
Wadajir
Tartamayaasha Degmada Wadajir waxaa iyana dhankooda la weydiiyey Todobo Su’aal, su’aallihii la weydiiyey waxay si sax ah uga jawaabeen Saddex su’aal, halka ay iska qaldeen afar su’aal, Waxa ay ka faa’iideysi u heleen Labo su’aal oo soo hareermartay tartamayaasha Degmada Buuhoodle, waxaana wadarta guud ee tartamayaasha degmada Wadajir ka dhigeysaa inay heleen 10 dhibcood (Toban dhibcood).
Hadaba kulankii 12aad ee tartan Cilmiyeedka bisha Ramadaan ee Warbaahinta Qaranka xalay waxaa wareega xiga u soo gudbay tartamayaasha degmada Wadajir ee gobolka Banaadir, ayadoo gebagebadii ay labada tartame isugu hambalyeeyeen guushaasi.
Caawa oo ah habeenka 12aad ee tartan Cilmiyeedka bisha Ramadaan ee Warbaahinta Qaranka waxaa ku tartami doona degmooyinka Kaaraan iyo Jawiil oo ka kala tirsan Gobollada Banaadir iyo Hiiraan.
Halkan ka dhageyso
Qeybta Koowaad tartanka
Qeybta Labaad ee tartanka
