Tartan cilmiyeedka bisha Ramadaan oo galay sanadkii 9-aad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho waxaa caawa kulankiisa Saddex iyo labaatanaad ee wareegga Labaad ku tartamay Degmooyinka Kaaraan iyo Howlwadaag oo ka wada tirsan Gobolka Banaadir, waxaana barnaamijka sanadkii lixaad oo xiriir ah taabagelineya Maamulka Gobolka Benaadir.
Related posts
Tartameyaasha labada degmo ee Kaaraan iyo Howlwadaag ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon iyo asluub wanaag labada dhinac inta uu tartanku socday.
Kaaraan
Tartameyaasha Degmada Kaaraan ee Gobolka Banaadir ayaa waxaa la weydiiyey todobo Suโaal, ma jirin hal su’aal oo ay ka jawaabeen, balse waxa ay ka faaโiideysteenย halย suโaal oo soo hareer martay tartamayaasha Howlwadaag, sidaa darteed wadarta guud ee dhibcaha tartameyaasha Degmada Kaaraan ay heleen waxay noqotayย Laboย (2) dhibcood.
Howlwadaag
Tartamayaasha Degmada Howlwadaag ee Gobolka Banaadir waxaa dhankooda la weydiiyay todobo suโaal, waxa ay ka jawaabeenย Saddexย suโaal, iyagoo iska qaldayย Afarย suโaal, waxa ay ka faaโiideysteenย halย suโaal oo soo hareer martay dhigooda Kaaraan, sidaasi darteed wadarta guud dhibcaha ay heleen tartameyaasha Degmada Howlwadaag waxay noqotayย Sideedย (8) dhibcood.
Hadaba kulankiiย 23-aadย ee tartan Cilmiyeedka bisha Ramadaan ee Warbaahinta Qaranka caawa waxaa wareegga Saddexaad u soo gudbay tartamayaasha Degmada Howlwadaag ee Gobolka Banaadir, ayadoo gebagebadii ay labada tartame isugu hambalyeeyeen guushaasi.
Habeen dambe oo ah habeenka 24-aad ee tartan Cilmiyeedka bisha Ramadaan ee Warbaahinta Qaranka waxaa ku tartami doona wareegga 3aad kulankiisa koowaad Degmooyinka Kismaayo iyo Shibis oo ka kalaย tirsan Gobollada Jubbada Hoose iyo Banaadir.
