Tartan cilmiyeedka bisha Ramadaan oo galay sanadkii 9-aad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho waxaa caawa kulankiisa Sideed iyo labaatanaad ee wareegga Afar dhamaadka (Semifinal) ku tartamay Degmooyinka Kismaayo iyo Dhahar oo ka kala tirsan Gobollada Jubbada Hoose iyo Sanaag, waxaana barnaamijka sanadkii lixaad oo xiriir ah taabagelineya Maamulka Gobolka Benaadir.
Related posts
Tartameyaasha labada degmo ee Kismaayo iyo Dhahar ayaa muujiyey tartan aad u adag, isla markaana ahaa mid xiiso gaar ah xambaarsan,maadaama lagu guda jiro wareegga afar dhamaadka ee tartanla, iyagoo soo bandhigay aqoon iyo asluub wanaag labada dhinac inta uu tartanku socday.
Dhahar
Tartameyaasha Degmada Dhahar ee Gobolka Sanaag ayaa waxaa la weydiiyey todobo Suβaal, todobadii suβaal ee la weydiiyay waxa ay ka jawaabeenΒ LaboΒ suβaal, iyagoo iska qaldayΒ ShanΒ suβaal, ma jirin wax ka faaβiideysi ah oo ay heleen, sidaa darteed wadarta guud ee dhibcaha tartameyaasha Degmada Dhahar ay heleen waxay noqotayΒ AfarΒ (4) dhibcood.
Kismaayo
Tartamayaasha Degmada Kismaayo ee Gobolka Jubbada Hoose waxaa dhankooda la weydiiyay todobo suβaal, waxa ay ka jawaabeenΒ SaddexΒ suβaal, iyagoo iska qaldayΒ AfarΒ suβaal, waxa ay ka faaβiideysteen HalΒ suβaal oo soo hareer martay dhigooda Dhahar, sidaasi darteed wadarta guud dhibcaha ay heleen tartameyaasha Degmada Kismaayo waxay noqotayΒ SideedΒ (8) dhibcood.
Hadaba kulankiiΒ 28-aadΒ ee tartan Cilmiyeedka bisha Ramadaan ee Warbaahinta Qaranka caawa waxaa wareegga kama dambeysta ah (Final) u soo gudbay tartamayaasha Degmada Kismaayo ee Gobolka Jubbada Hoose, waana markii labaad oo xiriir ah oo ay Kismaayo timaado Finalka, maadaama ay tahay tartamaayasha difaacanaya tartanka, waxaana tartamayaasha labada degmo ay isugu hambalyeeyeen guushaasi.
Habeen dambe oo ah habeenkaΒ 29-aadΒ ee tartan Cilmiyeedka bisha Ramadaan ee Warbaahinta Qaranka waxaa ku tartami doona Degmooyinka Xamar Jajab iyo Yaaqshiid oo ka wada tirsan Gobolka Banaadir, iyadoo degmadii soo baxda ay kulanka kama dambeysta ah la loola midoonaan dhigooda Kismaayo oo caawa u soo gudubtay finalka tartanka.
