Tartan cilmiyeedka bisha Ramadaan oo galay sanadkii Shan iyo tobnaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho habeen waliba ayaa waxaa caawa kulankiisa 30-aad ee wareegga Afar dhamaadka ku tartamay Degmooyinka Garbahaareey iyo Marka oo ka kala tirsan Gobollada Gedo iyo Shabeellaha Hoose. waxaana barnaamijka si wadajir ah u taaba-gelineya Bankiga IBS iyo Maamulka Gobolka Banaadir.
Tartameyaasha labada degmoo ee Garbahaareey iyo Marka ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon iyo asluub wanaag labada dhinac inta uu tartanka socday, waxaana degmadii badisa ay u gudbeyso kulanka kama dambeysta ah ee tartanka.
Related posts
Garbahaareey
Tartameyaasha Degmada Garbahaareey ee Gobolka Gedo waxaa la weydiiyey todobo Suโaal, todobadii suโaal ee la weydiiyay waxa ay si sax ah uga jawaabeen Afar suโaal, halka ay iska qaldeen Saddex suโaal, Ma jirin wax ka faaโiideysi ah oo ay heleen, sidaa darteed wadarta guud ee dhibcaha tartameyaasha Degmada Garbahaareey ay heleen waxay noqotayย Sideed (08) dhibcood.
Marka
Tartamayaasha Degmada Marka ee Gobolka Shabeellaha Hoose waxaa dhankooda la weydiiyay todobo suโaal, waxa ay si sax ah uga jawaabeen Shan suโaa, halka ay iska qaldeen Labo suโaal, waxa ay ka faaโiideysteen Hal suโaal oo soo hareermartay dhigooda Garbahaareey,ย sidaa darteed wadarta guud ee dhibcaha ay heleen tartameyaasha Degmada Marka waxay noqotay Labo iyo Toban (12) dhibcood.
Hadaba kulankii 30-aad ee tartan Cilmiyeedka bisha Ramadaan ee Warbaahinta Qaranka caawa waxaa wareegga Kama dambeysta ah (final) u soo gudbay tartamayaasha Degmada Marka ee Gobolka Shabeellaha Hoose, ayadoo gebagebadii ay labada tartame isugu hambalyeeyeen guushaasi.
Habeen dambe haddii uu Alle idmo oo ah habeenka 31-aad ee tartanka, waxaa ku loolami doona kaalinta 3-aad ee tartanka Degmooyinka Gaalkacyo iyo Garbahaareey oo ka kala tirsan Gobollada Mudug iyo Gedo.
