Tartan cilmiyeedka bisha Ramadaan oo galay sanadkii Shan iyo tobnaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho habeen waliba ayaa waxaa caawa kulankiisa 15–aad ee wareegga koowaad ku tartamay Degmooyinka Warsheekh iyo Xamar Jajab oo ka kala tirsan Gobollada Shabeelaha Dhexe iyo Benaadir. waxaana barnaamijka si wadajir ah u taaba-gelineya Bankiga IBS iyo Maamulka Gobolka Banaadir.
Tartameyaasha labada degmoo ee Warsheekh iyo Xamar Jajab ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon iyo asluub wanaag labada dhinac inta uu tartanka socday.
Warsheekh
Tartameyaasha Degmada Warsheekh ee Gobolka Shabeelaha Dhexe waxaa la weydiiyey todobo Su’aal, todobadii su’aal ee la weydiiyay waxa ay si sax ah uga jawaabeen dhamaan Todobadii su’aal,ee la weydiiyay, Ma jirin wax ka faa’iideysi ah oo ay heleen, sidaa darteed wadarta guud ee dhibcaha tartameyaasha Degmada Warsheekh ay heleen waxay noqotay Afar iyo Toban (14) dhibcood.
Xamar Jajab
Tartamayaasha Degmada Xamar Jajab ee Gobolka Benaadir waxaa dhankooda la weydiiyay todobo su’aal, waxa ay si sax ah uga jawaabeen dhamaan Todobadii su’aal,ee la weydiiyay, Mana jirin wax ka faa’iideysi ah oo ay heleen, sidaa darteed wadarta guud ee dhibcaha ay heleen tartameyaasha Degmada Xamar Jajab waxay noqotay Afar iiyo Toban (14) dhibcood.
Sida sharciga tartanka qabo marka labo degmo ay isku dhibco noqdaan waxaa lagu daraa suaalo dheerri ah si loo kala saaro oo midkood ay ugu gudubto wareegga xiga ee tartanka.
Suaalihii dheeriga ahaa ee lagu daray ayaa waxaa markale lagu bilaabay tartamayaasha Warsheekh oo ka jawaabay su’aashii 8aad, iyagoo ka faa’iideystay su;aashii Xamar Jajab oo la weydiiyay oo iyagu garan waayay, sidaas ayayna ku heleen 18 dhibcood.
Hadaba kulankii 15-aad ee tartan Cilmiyeedka bisha Ramadaan ee Warbaahinta Qaranka caawa waxaa wareegga Labaad u soo gudbay tartamayaasha Degmada Warsheekh ee Gobolka Shabeelaha Hoose, ayadoo gebagebadii ay labada tartame isugu hambalyeeyeen guushaasi.
Sawir qaade:- Khadar Cali Nuur
