Tartan cilmiyeedka bisha Ramadaan oo galay sanadkii Shan iyo tobnaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho habeen waliba ayaa waxaa caawa kulankiisa 13–aad ee wareegga koowaad ku tartamay Degmooyinka Xarardheere iyo Daarusalaam oo ka kala tirsan Gobollada Mudug iyo Benaadir. waxaana barnaamijka si wadajir ah u taaba-gelineya Bankiga IBS iyo Maamulka Gobolka Banaadir.
Tartameyaasha labada degmoo ee Xarardheere iyo Daarusalaam ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon iyo asluub wanaag labada dhinac inta uu tartanka socday.
Related posts
Xarardheere
Tartameyaasha Degmada Xarardheere ee Gobolka Mudug waxaa la weydiiyey todobo Suβaal, todobadii suβaal ee la weydiiyay waxa ay si sax ah uga jawaabeen Shan suβaal, halka ay iska qaldeen Labo suβaal, Ma jirin wax ka faaβiideysi ah oo Β ay heleen, sidaa darteed wadarta guud ee dhibcaha tartameyaasha Degmada Xarardheere ay heleen waxay noqotay Toban (10) dhibcood.
Daarusalaam
Tartamayaasha Degmada Daarusalaam ee Gobolka Benaadir waxaa dhankooda la weydiiyay todobo suβaal, waxa ay ka jawaabeen Shan suβaal, halka ay iska qaldeen Labo suβaal, Ma jirin wax ka faaβiideysi ah oo ay heleen, sidaa darteed wadarta guud ee dhibcaha ay heleen tartameyaasha Degmada Daarusalaam waxay noqotay Toban (10) dhibcood.
Sida sharciga tartanku qabo marka ay labo degmo isku dhibco noqdaan waxaa lagu daraa suβaalo dheeri ah si hal degmo ay ugu gudubto wareegga 2-aad ee tartanka.
Tartanka oo ahaa mid aad u adag ayaa ugu dambeyn waxa ay ku dhamaattay oo ay guusha ku raacday tartamayaasha Xarardheere kaddib markii ay ka yimaadeen 16 dhibcood, halka Tartamayaasha Daarusalaam ay la timid 14 dhibcood.
Hadaba kulankii 13-aad ee tartan Cilmiyeedka bisha Ramadaan ee Warbaahinta Qaranka caawa waxaa wareegga Labaad u soo gudbay tartamayaasha Degmada Xarardheere ee Gobolka Mudug, ayadoo gebagebadii ay labada tartame isugu hambalyeeyeen guushaasi.
Habeen dambe haddii uu Alle idmo oo ah habeenka 13-aad ee tartanka, waxaa ku tartami doona degmooyinka Boondheere iyo Aadan-yabaal oo ka kala tirsan Gobollada Benaadir iyo Shabeelaha Dhexe.
Sawir qaade:- Khadar Cali Nuur
