Munaasabadan lagu furayay tartan Quraan akhris ah oo ay ku tartamayeen 50 arday oo laga soo kala xulay dugsiyada Quraanka Kariimka ee ku yaala degmooyinka gobolka banaadir ayaa maanta lagu qabtay magaalada Muqdisho
Munaasabada ayaa waxa soo qabanqaabiyay maamulka Idaacadda Dalsan, waxaanana ka qeyb galay Waalidiin, culImaa’udiin, araday ka kala socotay dugsiyada Quraanka kariimka ah iyo marti sharaf kale
Agaasimaha Radio Dalsan Xasan Cali Geesey oo ka hadlay furitaanka tartanka Quraan akhriska ayaa sheegay in tartankan uu ah miyad gaar ah u leyahay ardayda Soomaaliyeed ee baranaya Quraanka kariimka, isagoo ku booriyay ardaydu in ay muu jiyaan dadaal dheeri ah
“Insha Allahu tartankan waxaan ugu talagalnay in ardayda xaafidiinta ah ee Quraanka baratay iney ku soo bandhigaan xifdintii iyo juhdigii la galiyay oo ay ugu faa’iideeyaan dhageystayaasha idaacadda, dhallinyaraduna ay u noqoto inay ku dhiiradaan xifdinta Quraanka” ayuu yiri Agaasime Xasan.
Maamulaha shirkadda xawaalada Taaj oo taaba galineysa tartankan Maxamed Axmed Yuusuf oo ka hadlay halkaasi ayaa tilmaamay in shirkaddu ay marwalba garab taagantahay dhiira galinta tartamada Quraanka Kariimka ah.
Sheekh Axmed Nuur Cabdi Jimcaale oo ka mid ah ah culimaa’udiinka Soomaaliyeed ayaa ka war bixiyay tartan ka Quraan aqriska ah sida ay u tartamayaan ardayda
“Musaabaqadii Quraanka kariimka ah halkaan ayaad ku qaadan doontaan, muxaadaraad oo ku saabsan fadliga ay leedahay Quraanka kariimka, iyo faa’iidada uu u leeyahay in carruurta lagu tartansiiyo oo hadda in badan mashaa’iiqda nooga hadleen, musaabiqaduna waxey ka dhici doontaa dhammaan degmooyinka gobolka banaadir, dugsiyo fara badana wey ka qeyb geli doonaan gabdho iyo wiilal kaliya, sharuuda waxey tahay ardayga galaysa inaysan 8 sano ka yareyn toban iyo shanona uusan ka weyneen”
