Tartanka Kubada cagta ah degmooyinka gobalka Banaadir oo si habsami leh uga socda garoonka kubadda cagta ee Banaadur stadium ee degmada C/casiis ayaa waxaa galabta cayaar wanaagsan dhexmartay cayaartooy degmooyinka Heliwaa iyo Shangaani ee gobolka Banaadir.
Garoonka banaadir oo galabta lagu cayaaray labo kulan ayaa kulanka hore waxa uu dhexmaray cayaartooyda degmooyinka Heliwaa iyo Shangaani, kuwaasi oo soo bandigay cayaar wanaag ay jecleysteen dhamaantii intii u soo daawasho tegtay, waxaana guud ahaan cayaarta ay ku soo idlaatay 2-3 oo ay guusha ku raacday cayaartooda degmada Shangaani.
Related posts
Kulanka xiga ayaa waxa uu dhexmaray cayaartooyda degmooyinka Warta Nabadda iyo Shibis, kuwaasi oo iyana dhankooda la yimid kubad aad u wanaagsan, waxaana guud ahaan ay ku soo idlaatay 4-1 oo ay guusha ku raacday cayaartooyda ku cayaareysay magaca degmada Warta Nabadda.
Afarta koox ee maanta wada cayaaray ayaa ku wada jiray group-ka โBโ, waxaana u soo daawasho tegay dadweyne aad u fara badan oo ka kala yimid degmooyinka Gobolka Banaadir, si ay u daawadaan tartanka kubadda cagta ee degmooyinka.
Sawir Qaade:- Farxaan Suleymaan Daahir
