Madaxwayne Ku-xigeenka Dowlad Goboleedka Puntland Axmed Cismaan Cilmi Karaash, Guddoomiyaha Xiriirka Soomaaliyeed ee kubadda Cagta Cabdiqani Saciid Carab, Wasiir ka Dhallinyarada, Ciyaaraha, Shaqada iyo Shaqaalaha Puntland, Madax kala duwan oo ka tirsan Golayaasha Dowladda oo ay wehliyaan bahda Cayaaraha iyo xiriirka Kubbadda cagta Puntland ayaa ka qeyb galay daawashada gaba-gabada tartanka Ciyaaraha Gobalada Puntland.
Madaxwaynaha Puntland Siciid Cabdullaahi Deni ayaa isna qaab fogaan arag ah u daawanayay ciyaarta oo ahayd mid xiiso badan, iyadoo ay u soo daawasho tegeen dadweyne aad u fara badan oo ka kala yimid Gobalada Puntland.
Related posts
Qaybtii hore ee Ciyaarta oo ahayd mid xiiso badan ayaa ku soo dhammaatay bar bar dhac 0-0 ay is mari waayeen labada Kooxood.
Qeybtii labaad ee cayaarta ayaa markii la isku soo laabtay waxa ay labada xul ee Gobalada Nugaal iyo Haylaan iska dhaliyeen 2-2, taasi oo waqtigii cayaarta loogu talagaay ku soo idlaatay ย bar bar dhac 2-2, waxaana tartanka gool ku laad ku guuleysatay Xulka Gobalka Haylaan.
Ammaanka Garoonka iyo Guud ahaanba magaalada Garoowe ayaa si wayn loo adkeeyay waxaana la xiray waddooyinka iyo aagga Garoonka Mire Awaare oo la geeyay Ciidamada Amniga.
Madaxwayne Ku-xigeenka Dowlad Goboleedka Puntland Axmed Cismaan Cilmi Karaash iyo Guddoomiyaha Xiriirka kubadda Cagta Soomaaliya Cabdiqani Saciid Carab ayaa si wada jir ah koobka guddoonsiiyay cayaartooyda Xulka Haylaan
Gabo gabada waxaa kaloo bilado la siiyay xidigii asluub wanaagga muujiyay intii uu tartanka socday.
