Tartanka kubadda Gacanta Degmooyinka iyo Deegaannada Gobolka Banadir 2021 oo si habsami leh uga socdo garoonka Wiish ee Degmada C/casiis ayaa waxaa galabta cayaar adag dhex martay cayaartooyda Degmooyinka Shibis iyo Boondheere oo ku wada jira Group C, waxaana xidigaha Xulka Shibis ay 44-24 uga badiyeen dhigooda Degmada Boondheere oo ay ku kulmeen kulanikii 36-aad ee tartanka.
Laacibka Kulanka ayaa waxaa loo aqonsaday ciyaaryahananka No-8 ee degmada Shibis C/raxiin Xuseen Maxamuud.
Dhanka kale cayaartooyda Deegaanka Gubadleey ayaa 15-14 uga badiyay Degamda Xamar Jajab oo ay ku kulmeen kulankii 36-aad ee tgaranka.
Laacibka Kulanka ayaa waxaa loo aqonsaday Ciyaaryahananka No-7 ee Deegaanka Gubadleey Maxamed Yuusuf Cabdullaahi.
Kala Sarreynta Group C oo lasoo gabagabeeyay
1-Shibis 4 kulan 12 dhibcood
2- Dharkenley 4 kulan 9 dhibcood
3-Gubadleey 4 kulan 6 dbibcood
4- Xamar Jajab 4 kulan 3 dhibcood
5- Boondheere 4 kulan Eber.
