Wasaaradda Qorsheynta, Maalgashiga iyo Horumarinta Dhaqaalaha Xukuumadda Federaalka Soomaaliya ayaa maanta soo qabanqaabisay aqoon-is-weydaarsi muhiim ah oo ku saabsan Tiirka Maamul Wanaagga ee Qorshaha Isbedelka Qaranka (QIQ; 2025-2029).
Aqoon-is-weydaarsigan ayaa ka dhacay xarunta Wasaaradda ee Muqdisho, iyadoo ay goob joog ka ahaayeen masโuuliyiin sar sare oo ka kala socday Wasaaradaha, waaxyaha, iyo hay’adaha dowladda ee ku lugta leh Tiirarka Maamul Wanaagga.
Related posts
Aqoon-is-weydaarsiga ayaa diiradda lagu saaray arrimo dhowr ah oo muhiim u ah tiirkan, oo ay ka mid yihiin:
– Dejinta iyo qeexidda qaybaha muhiimka ah ee uu tiirkan ka koobnaan doono.
– Khariidaynta xogta iyo hababka casriga ah ee loo adeegsanayo maamulka iyo ururinta xogta.
– Soo bandhigidda hababka shaybaarka casriga ah oo lagu horumarinayo maamul wanaagga.
Tiirka Maamul Wanaagga wuxuu ka kooban yahay qaybo dhowr ah oo muhiim ah, kuwaas oo ay ka mid yihiin:
1. Amniga iyo ku dhaqanka sharciga: Ujeedadu waa in la xaqiijiyo amni waara iyo nidaam cadaalad ah oo lagu kalsoonaan karo.
2. Dib-u-habaynta hayโadaha dowladda: Tani waxay ujeedadeedu tahay in la helo hayโado dowladeed oo isla xisaabtan leh.
3. Maamul loo dhan yahay: Waxaa la doonayaa in la helo adeegyo caddaalad iyo sinaan leh oo la heli karo, si loo xaqiijiyo xasillooni siyaasadeed iyo horumar waara.
Ka qaybgalayaasha aqoon-is-weydaarsigan waxay heleen dulmar guud oo ku saabsan yoolalka iyo istaraatiijiyadaha QIQ. Waxaa si qoto dheer looga dooday qaybaha kala duwan ee tiirkan muhiimka ah, iyadoo la isweydaarsaday fikrado iyo talooyin ku saabsan sida loo hirgelin karo himilooyinka qorshahan.
Aqoon-is-weydaarsigan ayaa lagu wadaa inuu noqdo mid horseeda isbeddel dhab ah oo ku yimaada habka maamulka iyo hufnaanta hayโadaha dowladda. Waxaana la filayaa in aqoon-is-weydaarsigan uu gacan ka geysan doono hirgelinta himilooyinka Qorshaha Isbedelka Qaranka, kaas oo looga gol leeyahay in lagu gaaro horumar waara iyo maamul wanaag hufan.
Wasaaradda Qorsheynta, Maalgashiga iyo Horumarinta Dhaqaalaha waxay mar kale ku celinaysaa sida ay uga goโan tahay in la hirgeliyo himilooyinka Qorshaha Isbedelka Qaranka (QIQ; 2025-2029) iyada oo la adeegsanayo tiirarkan muhiimka ah, si loo xaqiijiyo horumar iyo barwaaqo waarta oo loo dhan yahay.
