Ardayda Soomaalida ee wax ka barata Jaamacadaha ku yaala magaalada Cape Town ee dalka Koofur Afrika ayaaa soo gaba gabeeyay barnaamij wacyi gelinta waxbarashada oo ay ka wadeen magaalada Cape Town iyo xaafadaha Soomaalida saddaxdii maalin ee lasoo dhaafay.
Kulanka xeritaanka ayaa waxaa kasoo qeb galay safiirka Soomaaliya ee dalka Koofur Afrika Mudane Jamaal Maxamed Barrow, Qunuslka Saafaarada Soomaaliya Maxamed Cali Mire iyo Xoghayaha Saddexaad ee Safaaradda Ismaaciil Soomaane waxaa sido kale kasoo qeybgalay waxgarad aqoon yahano iyo waliba qaar ka mid ah dhalinyarada soomaalida.
Ardayda ayaa goobtaasi waxaa ay kusoo bandhigeen waxqabadkii ururkooda dhibaatooyinka dhinaca waxbarashada baahida ay dhalinyarada soomaaliyeed ee dhanka waxbarashada tirada dhalinyarada soomaalida ee ka faa’iideystay barnaamijkaan wacyi galinta mudadii ay soo wadeen.
Gudoomiyaha Ururka ardayda Soomaalida ee Dalka Koofur Afrika Cabdirisaaq Mursal Faarax ayaa ka hadlaya muhimada kulanka.
“Barnaamijkaan aan maanta halkaan u joogno waxaa uu ahaa mid sanadkii ba aan mar qabano isbuucaan waxaa noo socday barnaamij la dhaho todobaadka wacyi galinta waxbarashada Maanta waxaa ay aheyd gaba gabada waxaan isugu yeernay inta daneyneysay waxbarashada si aan talooyin u siino ardayda”
Safiirka Soomaaliya ee dalka Koofur Afrika Mudane Jamaal Maxamed Barrow oo soo xeray Barnaamijkaan wacyi gelinta ah oo saddaxdii maalin ee lasoo dhaaafay wadeen ardayda Soomaalida ee dalkaasi koofur Afrika ayaa ku dhiiri geliyay in ay waxbartaan si ay qeyb uga noqdaan mustaqbalka iyo aayaha dalka Soomaaliya.
“Waxaan hubaa hadii intiina maskaxda aad ku dartaan in wadankaan aad isbadal ku keentaan in aad sameysn kartaan waxa lagu cayaarayo waa waqtigiina waqtigaan lumaya idinkaa xaq u lahaa ku dadaaala waxbarashada idinkoo ganacsanaya ayaad wax baran kartaan”
Marka loo eego tirada Soomaalida ee ku nool dalka Koofur Afrika ayaa waxaa aad u yar ardayda waxka barata Jaamacadaha ku yaala dalka Koofur Afrika wallow sanadahii dambe dadaalo badan oo ay wadeen ururka ardayda waxaa la dareemaya isbadalo kala duwan oo dhankaasi ku saabsan.
Cabdullaahi Maxamuud Amiin “Cabdullaahi Qorshe”
Cape Town South africa
