Guddiga qabanqaabada xafladda caleemo saarka Madaxwaynaha ayaa haatan ku howlan diyaargarowgii ugu dambeeyay ee qabashada munaasabadda caleemo saarka madaxweyne Maxamed C/llaahi farmaajo,waxaana garoonka diyaaradaha Aadan Cadde ka socda soo dhoweynta madaxda ka qeybgalaya xafladdaasi.
Madax ka socota dalalka IGAD,Midowga Afrika, Midowga Yurub, Mareykanka iyo marti sharaf kale ayaa ka qeyb galaya xafladda lagu maamuusaayo caleemo saarka Madaxweynaha Cusub ee Dowladda Federaalka Soomaaliya Maxamed C/llaahi farmaajo.
Xafladda Caleemasaarka ayaa ka socoto Xarunta Ciidamada Cirka Soomaaliya ee Afisiyoone,waxaa ka qeyb galaya madax ka socota dowlad goboleedyada Soomaaliya iyo qaar kamid ah ururada bulshada.
