Turkiga ayaa diiday eedeyn uga timid guddiga sare ee xuquuqul insaanka Qaramada Midoobay oo ku aaddan xadgudubyo ka dhan ah biniโaadanimada oo Turkiga ka geystay dalka Suuriya, sida lagu sheegay warbixin guddigu soo saareen.
โWaxaan diidan nahay eedeymaha aan xaqiiqada ku dhisneyn ee guddigu soo saareen,โ ayaa lagu yiri bayaan ka soo baxay wasaaradda arrimaha dibadda Turkiga.
Related posts
Turkigu waxa uu hawlgalkiisa waqooyiga Suuriya ku micneeyay mid lagula dagaalamayo argagixisada caalamiga ah iyo kooxaha qaswadayaasha ah ee doonaya inay xasilooni darro ka abuuraan dalkiisa, dhibaatadoodana ay gaarsiiyaan dalal badan.
Talaadadii guddiga QM u qaabilsan baaritaanada dambiyada dagaal ayaa sheegay in Turkiga ay tahay in lagula xisaabtamo taageerada uu siiyey mucaaradka Suuriya oo geystay gabood fal ka dhan ah insaaniyadda oo ay kamid yihiin afduub, jir-dil iyo boobka hantida dadweynaha, sida lagu ogaaday baaritaan la sameeyay afartii bilood ee sanadkan 2020-ka ugu horraysay.
Guddoomiyaha guddiga sare ee xuquuqul insaanka QM Michelle Bachelet ayaa sheegtay in qeybo ka mid ah waqooyiga Suuriya maleeshiyaad Turkiga taabacsan ay ka geysteen xadgudubyo ka dhan ah baniโaadanimada.
Xukuumadda Ankara ayaa taageerta mucaaradka madaxweynaha Suuriyaย Bishaar Al-assad, waxaana Turkiga uu gacanta ku hayaa waqooyi bari ee Suuriya oo ay xuduud wadaagaan.
