Urur Goboleedka IGAD ayaa sheegay in ay sii balaaran doonaan dadaalkooda ku aadan gacan siinta ciidanka Dolwladda si meesha looga saaro kooxaha Argagixisada ah ee Al-Shabaab kuwaas oo Gobolka oo dhan ku haya qatar dhanka amniga.
Danjire Maxamed Cabdi Afeey Wakiilka Urur Goboleedka IGAD oo ka hadlayay howlgallada ka dhanka ah ee kooxaha Al-Shabaab ee ay si wada jirka ah dalka uga wadaan ciidamada dowladda iyo kuwa Nabad ilaalinta Midowga Afrika ee AMISOM,
“Nimanka argagixisada ah dhibaatada Soomaaliya oo kaliya kuma hayaan, gobolka xitaa dhibaato ayay ka wadaan, anagu waxaa naga go’an in aan taageerno ciidamada dowladda, oo har iyo habeen u taagan in ay kooxahaasi argagixisada ah ay ka sifeeyaan guud ahaan goobaha ay kaga dhuumaaleysanayaan gudaha dalka, lama wiiqi karo haddii aan la helin ciidan Soomaaliyeed oo tayaysan”ayuu yiri Danjire Maxamed Cabdi Afeey.
Danjiraha ayaa xusay in dowladaha saaxiibka ah la ah Soomaaliya ay ka caawin karaan oo kaliya xagga tababarada ciidanka balse aysan ku guuleysan karin inay wax ka qabtaan dhibaatada argagixisadu, waxaana uu intaa ku daray in ahmiyadda koowaad la siiyo dib u dhiska ciidanka Soomaaliya oo ku guuleysan kara in ay dalka oo dhan ay ka xoreeyaan maleeshiyaadka Al-Shabaab.
