Magaalada Dooxa ee dalka Qatar maanta oo sabti ah waxaa ka furmaya wada-hadallo nabadeed oo u dhexeeya dowladda Afghanistan iyo ururka Taliban, kaas oo lagu soo afmeeri doono dagaalka 20-sano ka socday dalkaas oo ay ku naf waayeen dad u badan rayid.
Xafladda furitaanka wada-hadalka waxaa ka qeybgali doona xoghayaha arrimaha dibadda Mareykanka Mike Pompeo.
Related posts
Saraakiil, diplomaasiyiin iyo falanqeeyeyaal ayaa sheegay in labada dhinac oo miiska wada-hadalka la isugu keeno ay tahay arrin guul ah.
โWada xaajoodka wuxuu ka jawaabi doonaa suโaalaha waa weyn oo ay kamid tahay wadan noocee ah ayuu noqon doonaa Afghanistanโ sidaa waxaa sheegay ergeyga gaarka ah ee QM u qaabilsan Afghanistan, Deborah Lyons.
Bishii February ee sanadkaan, Mareykanka iyo kooxda Taliban ayaa heshiis taariikhi ah ku kala saxiixday magaalada Dooxa,iyadoo qodobada heshiiskaas ay kamid aheyd in xukuumadda Kabul iyo Taliban wada hadal ku dhameeyaan dagaalka ka socda dalka.
Taliban iyo Mareykanka ayaa ku heshiisay in ciidanka ajnabiga ah ee dalkaas jooga laga saari doono marka ah heshiis wada galaan kooxda Taliban iyo Afghanistan.
Madaxweyne Trump ayaa doonaya in doorashada madaxtinimada Mareykanka ee bisha November ka hor uu soo gaba-gabeeyo dagaalka Mareykanka uu hormuudka ka yahay ee Afghanistan ka socda.
Dagaalka Afghanistan waxaa lagu dilay 2,300(laba kun iyo saddex boqol) oo askar Amerikaan ah tan iyo 2001-dii, iyadoo in ka badan 100,000 (boqol kun)oo shacab ah ay ku dhinteen colaadaas.
Tarjume: Cali C/raxmaan
