Wafdi ay hoggaaminayso Agaasimaha Xafiiska Xalka Waara ee Wasaaradda Qorsheynta Qaranka Marwo Sahra Cabdi Maxamed oo ay wehliyaan khuburo iyo saraakiil sare ayaa maanta soo gaaray magaalada Baydhabo ee Dowlad Goboleedka Koonfur Galbeed, waxaana si diiran garoonka diyaaradaha Shaati Gaduud ugu soo dhoweeyay Agaasimaha guud ee Wasaaradda Qorsheynta Maamulka Koonfur Galbeed iyo masโuulayiin kale.
Ujeeddada ay u soo gaareen Dowlad Gobaleedka Koonfur Galbeedย howl-wadeennada ka socda Wasaaradda Qorsheynta Qaranka ee Xafiiska Xalka Waara ayaa ah, sidii loo dar-dar gelin lahaa fullinta Istaraatiijiyadda Xalka Waara 2020 -2024 oo saldhig u ah sidii wax looga qaban lahaa arrimaha barakaca ee saamaynta adag ku yeeshay bulshada nugul taasoo sababtay abaaraha, coolaadaha, fatahaadaha iyo masiibooyin kale oo dabiiciga ah.
Related posts
Xubnaha ka socda Xafiiska Xalka waara ee Wasaaradda Qorsheynta Qaranka inta ay ku suganyahiin halkaas, waxa ay diyaarin doonaan qorshe fullineedka Istiraajiyadda Xalka Waaraย oo ay kala tashan doona hayโadaha kala duwan ee Dowlad Goboleedka KG, heyโadaha aan dowliga ahayn ee ka shaqeeya Koonfur Galbeed, dadka barakacyaasha iyo qaxootiga soo guryo-noqday.
Sidoo kale waxa ay booqan doonaan xeryaha barkacayaasha ee ay ku noolyihiin, dadka ay saameyeen abaaraha dalka ka dhacay iyo qaxootiga soo guryo-noqday, iyada oo ay u kuurgali doonaan xaaladda dhabta ah ee ay dadkaasi ku suganyahiin.
