Magaalada Garowe ee xarunta gobolka Nugaal waxaa Maanta gaarey Wafdi uu hogagaminayo Wakiilka Qaramada Midoobey ee Arrimaha Soomaaliya James Swan oo ay wehlinayeen madax ka socotay Midowga Yurub iyo Urur-goboleedka IGAD, iyaga oo la kulmay madaxda maamulka Puntland.
Kulan gaar ah oo Wafdiga ay la qaateen Madaxweynaha Puntland Siciid Cabdullaahi Deni iyo kuxigeenkiisa ayaa waxaa ay uga hadleen Doorashada Soomaaliya ee 2021-ka, Amniga iyo Xiriirka Dowladda Federaalka iyo Dowlad-goboleedyada.
Labada dhinac ayaa sidoo kale wararka kulanka laga helayo ay sheegayaan inay isku raacen in la joogteeyo kulamada noocaan oo kale ah iyo la tashiga ku saabsan Doorashada & horusocodka dowladnimada Soomaaliya.
