Wafdi ka socda Wasaaradda arrimaha Gudaha dowlada Federaalka Soomaaliya iyo wasaaradda arrimaha Gudaha dowladaha Hoose ee maamulka Koonfur Galbeed ayaa gaaray degmada Ceelbarde ee Gobolka Bakool.
Agaasimaha Guud ee Wasaaradda arrimaha Gudaha dowladaha Hoose ee maamulka Koonfur Galbeed Mustaf Sheekh Cabdullaahi oo la hadlay Warbaahinta Qaranka ayaa sheegay in ujeedkoodu yahay sidii ay u dhisi lahaayeen Golayaasha deegaanka, isla markaana ay wadaan dadaallo lagu dhisaayo Golayaashaas.
Agaasimaha ayaa sidoo kale sheegay in socodkoodu uu hordhac uyahay wafdi uu hogaaminayo Madaxweynaha dowlad Goboleedka Koonfur Galbeed C\casiis Xasan Maxamed “Laftagareen” oo berri gaari doono degmada ceelbarde ee Gobolka Bakool.
Maamulka Koonfur Galbeed oo kaashanaya Wasaaradda arrimaha Gudaha dowlada Federaalka ayaa horey u dhisay Golayaasha deegaanka degmooyinka Bardaale iyo Xudur oo ka kala tirsan Gobolada Baay iyo Bakool,iyagoo dadaal ugu jiro in ay soo dhameystiraan dhamaan Golayaasha deegaanka degmooyinka maamulkaas.
