Wefdigaan waxaa qayb ka ahaa guddoomiyaha gudiga qaxootiga iyo barakacayaasha Qaranka Soomaaliyeed Axmed Saahir Nuur, Wasiirka arrimaha gudaha Jubbaland Maxamed Darwiish, Wasiirka arrimaha haweenka Jubbaland Qamar Deeq khalif waxaa dhanka kale weftigan qayb ka ahaa labo sargaal oo ka tirsan hay’adda UNHCR xafiskeeda Soomaaliya.
Wefdigaan ayaa kulan kula qatay xafiska hay’ada UNHCR xerada qaxootiga ee Xagardheer gudoomiyaasha xeryaha qaxootiga ee Dhadhaab.
Ugu horeyn Wasiirka arrimaha gudaha Jubbaland Maxamed Darwish ayaa la hadlay guddiga qaxootiga, wuxuuna sheegay in sababta ay u hakiyeen qaxootiga ay tahay in ay doonayaan xuquuq ay helaan dadka soo laabanaya.
Axmed Daahir Gudoomiyaha gudiga qaxootiga iyo barakacayaasha Qaranka Soomaaliyeed oo isna la hadlay guddiga qaxootiga ayaa yira cid kasta oo Soomaaliyeed oo dooneysa Soomaaliya in ay ku soo noqoto waa u xor cid laga hor istaagayo ma jirto, dowladuna way gacan qabaneysaa, waxuu intaas ku daray in guddiga uu guddoomiyaha u yahay ay wadan dadaal dheer oo ay wax ugu qabanayaan qaxootiga Soomaaliyeed.
Dhanka kale qaar ka mid ah qaxootiga ayaa u mahadceliyay mas’uuliyyinta dowladd,a iyagoo yira waan ugu mahadcelinaynaa Guddoomiyaha guddiga qaxootiga iyo barakacayaasha Qaranka Soomaaliyeed sida uu u garab taaganyahay qaxootiga Soomaaliyeed.
Safiirka dowladda Soomaaliya ee Kenya Danjire Jamaal Maxamed Xasan iyo Qunsul Cali Sheekh Maxamed(Cali bagadi) ayay tilmaameen inay markasta garab qabtaan qaxootiga Soomaaliyeed.
Ugu dambeyntii in ka badan 30,000 oo qaxooti Soomaaliyeed ayaa mudooyinka ugu dambeeyay si iskood ah ugu laabtay Soomaaliya gar ahaan gobolada Jubooyinka, Gedo, Baay,Bakool iyo weliba gobolka Banaadir halka xiligan in ka badan 28,000 u diiwaangashan yihiin in si iskood ah ugu laabtan Soomaaliya
by:Axmednuur Maxamed Cabdullahi(Yogol) Radio Muqdisho
