Madaxweyne ku-xigeenka Dawlad goboleedka Puntland Cabdixakiim Cabdulaahi Xaaji Cumar Camey ayaa xafiiskiisa ku qaabilay wafdi uu hoggaaminayo madaxa xafiiska siyaasadda ee Midowga Yurub oo ay ka wada hadleen arrimo badan.
Wafdigii ka socdey Midowga Yurub ayaa waxay sheegeen in ay Puntland ka caawin doonaan hannaanka dimoqraadiyaynta Puntland ama hannaanka axsaabta badan maadaama dhowaan ay magcawday guddigii doorashooyinka Puntland.
Waftiga ayaa muddo kooban ku sugnaan doona magaalada Garoowe ee xarunta Dawlad goboleedka Puntland waxaana ay kulamo la qaadan doonaan muddada ay joogaan Golaha Wakiillada Puntland, Wasaaradda Dastuurka, Wasaaradda Amniga iyo guddiga doorashooyinka Puntland ee dhowaan la magcaabay.
