Wafdi kormeer ah oo ka kala socda hey’addaha UNDP, UNSOM iyo UN POLICE ayaa maanta booqday xerada tababarka booliska Galmudug ee Cadaado oo uu tababar sare uga socdo dufcadii 1-aad ee Ciidanka Booliska Dowlad goboleedka Galmudug oo dhan afar boqol oo askari.
Wafdigan oo uu madax u yahay Doel Mukerjee u qaybsanaha arrimaha ammniga iyo cadaalada ee UNDP waxaa dugsiga tababarka ku soo dhaweeyay ku simaha Wasiirka Wasaarada Ammniga Galmudug Abdullahi Ahmed Alasow Shiine, isagoo warbixin ka siiyey habka uu u socdo tababarkan oo ciidamadan loo furay horaantii bishan.
Mas’uuliyiinta ayaa soo indha-indheeyey qaab dhismeedka xerada, habka tababarka askarta iyo xirfada macalimiinta casharada bixinaya oo ay dhamaantood ku amaaneen wasaradda amniga Galmudug oo si weyn isugu duba-ridey.
