Wafdi ka socda Wasaaradda Warfaafinta oo uu hogaaminayo Agaasimaha Guud ee Wasaaradda oo ka degay garoonka Diyaaradaha magaalada Jiddah ee Boqortooyada Suduudiga ayaa halkaasi uga qeyb geli doona shirka Isutagga Wakaaladda Wararka Wadamada Islaamka.
Shirka oo dhawaan ka furmaya magaalada Jiddah ee dalka Boqortooyada Sacuudiga ayaa waxaa looga hadlayaa arrimo dhowr ah oo ay ka midyihiin xoojinta iyo iskaashiga dhanka Wararka, casriyeynta tayada wararka, maamulka iyo maaliyadda iyo dajinta miisaaniyadda Wakaaladda Wararka Dalalka Islaamka.
Kulanka waxaa dhanka Soomaaliya uga qeyb geli doono Agaasimaha Guud ee Wasaaradda Warfaafinta, Dhaqanka iyo Dalxiiska ee Xukuumadda Soomaaliya Mudane Cabdiraxmaan Yuusuf Sheekh Al-Cadaalla oo uu wehliyo Agaasimaha Wakaaladda Wararka Qaranka Soomaaliyeed (SONNA) Cali Cabdiqaadir Cali, kuwaasi oo si diiran loogu soo dhaweeyay magaalada Jiddah.
Agaasimaha Guud ee Wasaaradda Warfaafinta iyo wafdiga uu hogaaminayo ayaa lagu wadaa inay kulamo gaar gaar ah la qaataan madaxda ka qeyb galaysa shirka.
