Wafdi uu hoggaaminayey Guddoomiyaha Guddiga Hirgelinta Doorashooynka Heer Federaal Mudane Maxamed Xasan Maxamed Cirro ayaa si diiran loogu soo dhaweeyay magaalada Kismaayo ee xarunta KMG ah ee Jubbaland.
Guddiga Maamulka Doorashada Heer Dowlad-goboleed Jubbaland ee uu ugu horeeyo Guddoomiyaha Guddigaas Siyaad Maxamed Mursal ayaa Wafdiga uu hoggaaminayey Guddoomiyaha Guddiga Hirgelinta Doorashooynka Heer Federaal ku soo dhaweeyay magaalada Kismaayo ee xarunta Gobolka Jubbada Hoose.
Mudane Siyaasad Maxamed Mursal Guddoomiyaha Guddiga Doorashada Jubbaland ayaa sheegay in uu aad ugu faraxsanyahay in wafdiga ka socda Guddiga Hirgelinta Doorashooynka Heer Federaal ay soo gaaraan Kismaayo, isagoo warbixin ka siiyay waxyaabaha u qabsoomay.
Guddoomiyaha Guddiga Hirgelinta Doorashooynka Heer Federaal Mudane Maxamed Xasan Maxamed Cirro ayaa sheegay in ujeedka socdaalkooda ay la xiriirto sidii ay ugu kuurgeli lahaayeen hanaanka ay u socoto doorashada la filayo inay ka bilaabata magaalooyinka Kismaayo iyo Garbahaareey ee Gobollada Jubbada Hoose iyo Gedo.
