Wafdi uu Hoggaaminayo Guddoomiyaha Hay’adda Maareynta Musiiboyinka Qaranka Soomaaliyed Mudane Maxamuud Macalim Cabdulle oo uu wehliyo ku xigeenka ergeyga gaarka ah ee Qaramada Midoobay ahna isku duwaha arrimaha beni’aadannimada George Conwey ayaa maanta gaaray Magaalada Baladweyne ee xarunta gobolka Hiiraan.
Masuuliyiinta gobolka ayaa waftiga ku soo dhaweeyay garoonka diyaradaha Ugaas Khaliif, kadibna waxa ay kulan xog wareysi ah la waateen Madaxweyne ku xigeenka Hirshabelle Yuusuf Axmed Hagar Dabageed, iyagoo dhageystay warbixinta xaaladda Baladweyne , cabsida laga qabi fatahaado iyo raadadka dhibatadii ka dhalatay qaraxyadii Baladweyne khawaarijta ka gaysatay iyo xaaladaha ay wajahayaan barakacyaasha ku nool magaalada.
Ujeedka wafdigaan ayaa ah indha-indheenta iyo u kuur-galidda xaladaha beni’aadannimo ee gobolka ka jira, u diyaar garowga digniinaha xalaada ElNiño taas oo wata Fatahaado iyo daadad culus, waxaana intaas kadib wafdigaan kormeereen Kaamamka barakacyaasha ee ku yaal gudaha magaalada, waxaana mid mid ula kulmeen qoysaska ku nool iyagoo ka xog-wareestay xaladdooda.
Sidoo kale Wafdigan ayaa waxa ay booqdeen goobaha biyo mareennada ah iyo goobaha uu ka jilicsanyahay wabiga mar kastana ka fataho.
