Guddiga Joogtada Aqalka Sare ee Baarlamaanka Jamhuuriyadda Federaalka Soomaali, oo howlo shaqo u jooga dalka Kenya, ayaa maanta booqasho rasmi ah ku tegay xarumaha Labada Aqal ee Baarlamaanka Kenya.
Guddiga joogtada oo uu hoggaaminayo Guddoomiye ku xigeenka koowaad ee Golaha Aqalka Sare, Mudane Cali Shacbaan Ibraahim, ayaa u kuurgalay inta ay ku jireen Booqashadooda howlaha shaqo ee Sanate-ka Kenya iyo xarumaha ay ku shaqo galaan labada Aqal.
Guddiga ayaa inta ay joogaan waxa ay kulamo la qaadan doonaan Madaxda Aqalka Senate-ka, iyadoo Guddoomiye Cali Shacbaan uu Baarlamaanka ka hor jeedin doono khudbad uu kaga hadlayo guud ahaan xaaladda dalkeena iyo xoojinta xiriirka Labada Aqal ee Baarlamaannada Kenya iyo Soomaaliya
