Wafdi uu hoggaaminayo Xeer Ilaaliyaha Guud ee Qaranka Mudane Axmed Cali Daahir ayaa maanta gaaray Caasimadda Kuwait.
Wafdiga waxaa garoonka diyaaradaha ee Kuwait city ku soo dhaweeyay Madax ka tirsan Wasaaradda Caddaaladda Kuwait iyo Danjiraha Soomaaliya ee Kuwait Danjire Cabdulqaadir Amiin Sheekh oo ay wehliyan qaar kamid ah Diblomaasiyiinta Safaaradda ka howlgasha.
Related posts
Wafdiga Xeer Ilaaliyaha Gud oo marti u ah Wasaaradda Caddaaladda ee Kuwait ayaa lagu wadaa in ay wadahadalo la xiriiro Iskaashi la yeeshan Hay’adaha Garsoorka Dalka Kuwait.
Xeer ilaaliyaha guud ee Qaranka Axmed Cali Daahir oo la hadlay Radio Muqdisho ayaa sheegay in socdaalkiisa ay qaadan doonto muddo saddex cisho ah, isla markaana uu ka shaqeyn doono sidii loo xoojin lahaa cilaaqaadka ka dhexeeya hayβadaha garsoorka labada dowladood.
β15 ka bishan waxaa Kuwait soo gaari doono garsoorayaal Soomaaliyeed, kuwaasi oo tababar halkan ku qaadan doono, waxaana jirta xiriir qoto dheer oo ka dhexeeya Soomaaliya iyo Kuwait, socdaalkeyguna waxa uu ku saabsanyahay casuumaad aan ka helnay Wasaaradda Cadaaladdaβayuu yiri Xeer ilaaliyaha guud ee Qaranka.
Wafdiga uu hogaaminayo Xeer ilaaliyaha guud ee Qaranka ayaa qorshuhu yahay marka ay u dhamaato booqashada rasmiga ah ay u sii gudbaan Dalka India, socdaalkaas oo la xiriira wada-xaajood ay la yeelan doonaan dhiggoda India si xal looga gaaro qadiyadda dhalinyarada Soomaaliyeed ee u xiran Arrimaha Burcad Badeedka, kuwaasi oo uu tilmaamay in maxkamadeyntooda ay ka socoto dalkaasi.
