Tababarkan oo loo qabtay wakiilo ka kala socoda hay’adaha kaladuwan ee Dowladda Soomaaliya iyo Ururada bulshada Ryidka ayaa lagu qabtay magaalada Mumbaasa ee dalka Kenya,si aqoontooda maamuleed sare loogu qaado.
Waxaa tababarkan ka qeybgalaya ilaa 30 qof oo ka kala socoday hay’adaha Dowladda Federaalka Soomaaliya iyo wakiilo ka socda ururada bulshada Rayidka Soomaaliyeed,waxaana lagu baranayay dib uga kabashada musiibooyinka iyo sida loo maareynkaro intuba,sida ay ku soo waramayso Leylo Cadceed Cusmaan oo ka tirsan Warbaahinta Qaranka oo kusugan magaaladaasi Mumbaasa.
Qaban qaabada tababarkan ayaa lahaa Urur Goboleedka IGAD oo ugu talagalay in loogu faa’ideeyeo bulshada Soomaaliya fahabka dhibaatooyinka ka dhalankara musiibooyinka dabiiciga iyo iyo sida loo maareeyo,iyadoo dadkii ka qeybgalayna looga fadhiyo in waxyaabihii ay ka faa’ideysteen ay ugu adeegaan bulshada.
Tabarkaan ayaa ku soo beegmaya xili ay Soomaaliya ay ka dhaceen daad iyo fatahad ay sameeyeen webiyada Jubba iyo Shabeelle oo saameyn naf iyo maal ah ku yeelatay dadka iyo duunyadda.
