Howl wadeenada Wasaarada Boostada, Isgaarsiinta iyo Tignoolajiyada Xukuumada Soomaaliya ayaa maanta bilaabay wareegii Sagaalaad ee kaltanka hay’ada dowlada ee barnaamijka Isxilqaan oo dib loogu dhisayo xarumaha danta guud ee dalka.
Cabdullaahi Bile Nuur Wasiiru dowlaha wasaarada Boostada ayaa oo shaqaalaha ku wehlinayay shaqada ay maanta ka qabteen xarumaha Tiyaatarka, Madxafka iyo Maktabada qaranka ayaa sheegay in shaqaalaha hay’adaha dowladu howl wanaagsan ka qabteen xarumahaan.
Wasiiru dowlaha ayaa tilmaamay in hada la joogo gebengabada barnaamijka guuleystay ee Isxilqaan waxa uuna ku baaqay in dalka oo dhan lagu dhiso barnaamijkaan Isxilqaan.
Xarumaha lagu dhisayo barnaamijka Isxilqaan ayaa dhismahoodu marayaa heerkii ugu dambeeyay waxaana xusid mudan in xarumaha qaar ay u dhimantahay oo kaliya in la qalabeeyo.
