Waxaa iminka la soo gabo gabeeyay wareega koowaad ee doorashada xilka Madaxtinimada Dowlad goboleedka Galmudug, kaasi oo ay ku tartamayaan ilaa iyo lix musharax, waxaana bilaabatay tirinta codeynta doorashada.
Guddoomiyaha baarlamaanka Galmudug ayaa si rasmi ah u bilaabay tirinta codadka, iyadoo marka ay soo gabo gabowda uu guddiga ku dhawaaqi doono doorashada iyo sida loogu kala guuleystay, ama haddi ay jiraan wareeg kale.
Dadka qaar ayaa qaba in doorashada lagu kala bixi doono wareega koowaad, maadaama tirada guuleystaha laga rabo ay tahay 45 cod.
