Wariye Aadan Xaaji Cabdulle (Aadan Sooyaal) oo ka tirsan Warbaahinta Qaranka gaar ahaan Wakaaladda Wararka SONNA iyo Agaasimihii hore ee Wasaaradda Warfaafinta Mudane Cabdirisaaq Cali Yuusuf (Bahlaawi) ayaa ka mid ahaa dadkii ku dhaawacmay qaraxyadii maanta ka dhacay magaalada Muqdisho, kuwaasi oo sababay dhimasho iyo dhaawac soo gaaray dad shacab ah.
Wariye Aadan Sooyaal oo loo qaaday mid kamid ah isbitaalada magaalada Muqdisho ayaa la soo sheegaya in xaaladiisu ay tahay mid wanaagsan, waxaana uu dhaawacmay xili uu shaqada ka baxay, isla markaana uu ku wajahnaa xaafadiisa.
Agaasimaha Guud ee Wasaaradda Warfaafinta Mudane Cabdiraxmaan Yuusuf Sheekh Al-Cadaala iyo mas’uuuliyiin kale oo ka tirsan Wasaaradda ayaa Isbitaalka ku booqday Agaasimihii hore ee Warfaafinta Mudane Cabdirisaaq Cali Yuusuf (Bahlaawi) iyo Wariye Aadan Xaaji Cabdulle, waxaana uu sheegay inay soo hagaageyso xaaladooda caafimaad, isagoo u rajeeyay in uu Alle u boogdhayo.
