Wasaarada Caafimaadka iyo Dowladda Norwaday ayaa si wadajir u hirgaliyey mashruuca Tamarta (Solar Power ) oo ku shaqeeya Ileyska Cadceeda .
Mashruucan ayaa waxaa laga hirgaliyey 8 isbitaal oo ku yaala bartamaha iyo Koonfurta Somaaliya.
Xafladda lagu daahfurayey mashruucan ayaa waxay ka dhacday isbitaalka Madiina, waxaana ka soo qeybgalay Wasaaradda caafimadka oo hogaaminaayey Agaasimaha Guud Dr Cabdiqani Sheekh Cumar iyo Ku-xigeenka Safiirka Norway ee Soomaaliya Vebjorn Heines.
Agaasimaha guud ee Wasaaradda Caafimaadka ayaa mashruucan ku tilmaamay in uu wax badan ka tari doono xarumaha caafimaadka ee laga hirgeliyay, isla markaana Wasaaraddu ay joogteyn doono sidii xarumaha caafimaadka ee dalka looga hirgelin lahaa.
